Isolering i kjelleren

Sjølv om eg har glimra med mitt fråver så har det skjedd mykje i huset den siste veka. Arne var der å jobba saman med far og Lars Petter på laurdag og dei har fått opp isolasjon på kjellerstua, lekta tak, satt i sluk og laga til lufting for peis.

Taket i kjellerstua er isolert og lekta.




Luftekanal til peisen på stua, sett frå kjellaren. Denne går rett ut veggen og blir liggande under dekket på verandaen, godt skjult.

Kjeller

Sjølv om eg har vore lite aktiv denne veka, og kjem til å bli det ut veka, så har far gjort mykje godt arbeid i huset. Han har blant anna fått opp veggplater på veggen der varmepumpa skal stå på teknisk rom slik at vi kan flislegge dette partiet og få inn pumpa. Vi kan ikkje sluttføre rommet før rør i alle golv er på plass, men sidan vi vil ta pumpa i bruk i kjellaren så klargjer vi alt rundt pumpa no. I tillegg så har han begynt med rominndelinga i kjellaren.


Dei svarte røra opp fra golvet kjem frå energibrønnen. Det framom er sluken. Det nederste grøne røret er kaldevatn inn til varmepumpa, og det øverste er der varmevatnet vil gå ut.
Ekowell har to uttak for varmevatn, eit for varmt og eit for lunka. Dette har eg gløymt å fått klarlagt oppdaga eg her no..... Der må vere eit uttak til på 140cm frå golvet, men korleis skal man blande det varme og det lunka vatnet? Dette må eg finne ut av.


Lars Petter har laga ei svært så ryddig kobling for vatnet.


Veggen mellom garderobe, toalett og kino er satt opp. Kino vil vere der isolasjonen ligg, der dissa blå sekkane og bukken står vil det kome boder. Der røra er og spikerbelte til far ligg vil toalettet vere, og der lampa står kjem garderoba tilknytta hovudinngangen. I boda bak toalettet vil ventilasjonsanlegget stå, så her blir det ein del rør til i tillegg til dei to som visast her.

Skyvedører

Fredag blei skyvedørene til "Hagestua" i kjelleren montert, og med dette er alle vindua på plass. Vi har også fått opp alle stenderane til veggane i 2. etasje og vil over helga starte med det same i kjellaren. Lars Petter er også godt i gang med rørleggerarbeidet og fått på plass det meste av vanntilførsel til badet i 2. etasje og tekniskrom/ vaskerom.


Skyvedører på plass. Alle tre blada kan skyvast så vi kan velge kvar åpninga ut blir.


Dei nye vindua sett innanfrå. Pallane som ligg på garasjetaket held på plass duken som ikkje er festa enda.


Skyvedørene og det nyslipte golvet. Fin kombinasjon :-)


Utstikket på stua kom meir til sin rett no når vindua nede også er på plass.

Bruder'n er godt i gang med rørleggerarbeidet.

For å unngå ein kant på veggen ned mot utstikket så har vi lekta ut veggen for å få den rett og fin. Dette gjer også eletrikerarbeidet lettare sidan vi slepp å slisse ut Bewien.

Rominndeling 2. etg

No er alle rom i 2. etasje oppdelt og mesteparten av stenderane er på plass. Vi er også ferdig med å isolere taket så no ligg der 40cm med isolasjon på taket.
Lars Petter er i full gang med rørleggararbeidet og der er ein del arbeid knytt til dette.


Taket er no ferdig isolert.

Ferdigslipte golv

No er golvet i kjelleren og på kjøkkenet ferdig slipt. Resultatet blei bra men der var litt pora på kjøkkengolvet. Disse blir visstnok fylt opp av eit middel som er i den spesialsåpa man skal bruke på golvet. Så golvet skal bli finare og blankare etter bruk.

Det var ikkje meininga å ha vannbåren varme i golvet på 3. etasje då vi trudde det ikkje ville vere behov for det. Men etter å ha høyrt fra folk med vannbåren varme så har vi lært at varmen ikkje stig opp som ved vanleg tradisjonell varme. Difor kan vi risikere at det er golvkaldt i 3. etasje, noko vi sjølvsagt ikkje vil det skal vere. Men sidan golvet er beregna med ei høgde utan varmerør i så måtte vi legge røra under golvplatene. Dette er ikkje idéelt sidan vatnet i røra må ha ein litt høgare temperatur for å kunne avgi like mykje varme som om dei lå opp på golvplatene.


Kjellargolvet


"Close up" av det slipte golvet


Røra til vannbåren varme er festa med nokre metallplater under golvplatene til 3. etasje. Ventilasjonskanalen til stua er også på plass.


Etter røra var på plass isolerte vi taket med 10 cm Rockwool for at varmen ikkje skal trekke ned, men opp i golvet.


Far har også laga trapp fra "Brua" og opp til 3. etasje. I kroken til venstre for trappa vil vi lage ei bokhylle, men dette er ei stund fram i tid.

Taket på stua er no lekta og isolert.

Slipt golv og innervegger

I romjula har vi tatt det bittelitt piano oppe i huset men noko har vi fått gjort. Vi har lekta ferdig taket, starta med å få opp innervegger i hovudetasjen og vi er igang med å isolere taket. I tillegg har karane frå Betongservice nesten ferdigslipt kjøkkengolvet.
Vi har også hatt besøk av Trine og Elling i Ett To Design http://www.ett.to/ som hjelp oss med løsning på kjøkkenet og alle bad, samt uttak av farger og materialer til det meste rundt om i huset. Vi gjekk gjennom forslaga i går og det såg veldig bra ut og vi gleder oss til å få ting på plass.


Vegg mellom soveromma og gang ut til stua

Innervegger tek form

Kjøkkengolvet


Trine & Elling i Ett To Design.

Betongsliping

I dag kom Leif Erik fra Betongservice og installerte seg for sliping av betong. Vi fekk tilkalla Lars Petter og Tor Einar for å få slipemaskina fra bilen og inn i huset. Det var bra vi var fire mann på den, for maskina veg 480 kg.

Natt til mandag var det storm og mykje nedbør her og da blei det avslørt at taket ikkje var heilt tett. Utstikket ovanfor soveromsvinduet lak og det same gjorde overgangen mellom taket på verandaen og taket på soveromsdelen. Dette fiksa far medan vi andre sleit med det drøget av ei maskin.

Leif Erik tok ei testrunde for å sjekke betongkvaliteten. Den var heldigvis god så vi håper på fint resultat.

Vinduer på plass

Fredag blei dei siste vindua i 2. og 3. etasje satt inn. 3 kara frå Straumsheim gjorde jobben på berre nokre timar. Så no gjenstend berre skyvedørene og inngangsdøra i kjellaren før alt er på plass.

Stuevindu.


Dei grå beslaga til sprossene på stuevindua er ikkje på plass enda. Det er heller ikkje panelen som skal kleast rundt.



Skyvedør til veranda i 2. etasje.

Vindu ved spisestue.

Skyvedøra til takterassen er no på plass.

Vi har starta med å lekte taket på soveromsdelen av huset. Når vi har fått opp lektene vil vi legge isolasjon opp i taket.

Røra til ventilasjonsanlegget vil gå under repoet på trappa.

Ventilasjon

I det siste har vi jobba med installasjon av ventilasjonsanlegget. Vi har installert røra i kjellaren for soverom, teknisk rom og bad. Vi er snart i mål for soverom og bad i 2. etasje, men manglar nokre bend for å bli heilt ferdig.


Røra for luft og avtrekk i kjelleren.


Det tjukke røret til venstre er sjakt for skitne kle, vaskemaskina vil stå på teknisk rom. Luftekanal inn til badet i kjelleren. Vegg mellom teknisk rom og bad vil gå der stenderen til høgre for sjakta er.


Vi vil senke taket i gangen i kjelleren for å få plass til ventilasjonen

Røret til venstre er avtrekket frå badet, det andre er tilluft for soverom med påmontert lydfelle. Det tjukke røret til høgre er skitneklesjakta som gjeng frå badet og ned kjellaren.

Dårlig blogging

Det har igjen vore lite aktivitet her inne i det siste, mest pga mykje anna å holde på med.
Men siste veke har vi fått gjort ein del i huset. Vi har så smått begynt med ventilasjonsanlegget og funne ut kor vi vil legge kanalane. Eg har ikkje bestemt kva slags system vi skal gå for men vil ha eit med (relativt) høg varmegjenvinning uten å bli ruinert.
No er også alle H-vindua satt i og tetta. Til veka kjem karane frå Straumsheim og sett i dei store vindua på stua samt skyvedører i 2. og 3. etasje.


Det var eit fantastisk flott lys når sola kom opp i dagtidleg. Ikkje heilt rettferdiggjort på bilde. Bildet er tatt frå verandaen i 2. etasje.


Nok ein gong har straumkabelen til vannpumpa blitt dratt ned i vannholet slik styringsboksen står på høgkant. Gudane veit kvifor, dette er det samme som skjedde tidlegare i år. http://bonesmo.blogspot.com/2008/07/snodig-hendelse.html Vi får dra opp pumpa over helga og undersøke igjen.


Tur og returrøra frå boda der ventilasjonsanlegget skal stå.

Det siste H-vinduet blei montert i dag. Dette er på takterassen.

Energibrønn

I dag har det vore 3 mann i arbeid i huset. Bjørn frå Energi-Spar har montert kollektor til energiholet, far har lekta og kledd eine utstikket med vindsperre, og eg som har pynta eit juletre.

Bjørn frå Energi-Spar står klar med kollektoren.


Dei nederste 105m er kollektoren 4-dobla. Dette for å utnytte varmen i hole bedre. Ved 100m går kollektoren saman til ein tur og ein retur. Dybda på holet blei målt til 209,5 m og så totalt blei det senka ned 619m med rør.

Kollektoren er fylt med Freezium, eit stoff som visstnok har bedre evne til å ta til seg varme enn sprit og andre typer vesker, samtidig som det er lettare å transportere rundt så sirkulasjonspumpa får ein lettare jobb.

Sluttresultatet. Her skal det etterkvart isolerast.

Utstikket ved spisestua, snart klar til bordkledning.

Utstikket på stua, sett frå vest.

Tetting

Den siste tida har tetting av hus stått i fokus. Vi har satt i vindu og dører og fått tetta rundt karmane, så no begynde huset å bli rimelig tett. Vi har også satt på varme så vi får tørka treverket før vi begynde med innvendig snekkerarbeid.


På laurdag var karane frå Ove Straumsheim AS på plass og satt i det siste vinduet på taket og fekk tetta og isolert konstruksjonen.


På laurdag fekk vi òg kledd takutstikket ovanfor soveromsvinduet så ikkje vatn kjem inn via takplatene.




I kveld satt vi i bakdøra i 2. etasje


Dør ut på veranda og vindu på utstikket ved spisestua.