Forskaling og armering

Vi starta med å forskale alle endeveggane og vindua i dag og vil halde på med det dei nærmaste dagane.
Vi har armert veggane i 2. etg. med 2 x 12 mm jern kvar 60 cm og har i dag festa 2 vertikale 10 mm jern i kvar endevegg og ved dørkarmane. I tillegg har vi lagt inn 2 ekstra 12mm jern ovanfor dei små soveromsvindua.

Vindskade

Mandag skjedde der fint lite av konstruktiv art i tomta. Derimot satte vérgudane inn eit lite stunt med sol, 24 grader og fønvind og blåste ned to av veggane eg lødde opp laurdag. Eg burde sjølvsagt montert på støtte med sidan det nærma seg avspark på Anfield så måtte eg berre reise. Så dagen i dag gjekk med på å få oppatt veggane og bytte ut eit par element som blei ødelagt av fallet. Ellers har vi fått saga ut vinduet eg gløymde å kappe til på laurdag samt vi har fått opp nokre støtter; Klok av skade.


Litt mindre vegg mandag enn laurdag


Og der lå veggen gitt...


Fekk opp igjen veggen i dag og var lynrask med å sette på ei støtte.


Vinduet på vestveggen er no på plass.

Snart slutt på Bewien

Det har vore stille i tomta dei siste dagane men i dag fekk eg ei bra økt der oppe. Eg var der aleine men det gjekk greit, spesielt med radio og OL-sendigar som smakte gull :-)
Vi har vel bare ein kveld igjen med Bewi før den epoken er over, men det skal no bli kjekt å arbeide med trevirke også.


Emilie koster golvet framom veggen eg lødde opp i dag.


Fruen studerer teikningar og spør om der ikkje skal vere eit vindu på kortveggen inn mot hjørnet bak ho. Og det skal det sjølvsagt vere.... *#"/?= ARGHH!! Men sidan vi ikkje har støypt så skal det gå greit å sage høl.



Huset sett frå veien inn til tomta. Det begynde å ruve no men blir nok meir "dempa" når det har fått farge og ting rundt er ordna.

Bewi, siste etappe

Tirsdagskvelden hadde vi ein kort dag i tomta der vi fekk lagt dei 5 siste golvplatene vi mangla mandagskvelden, så no er golvet i hovedetasjen komplett.
I dag fekk vi besøk av Helge som er så nysgjerrig på denne Bewien. Helge lødde Bewi med stor iver og innsats medan eg slo ned ein del av veggen vi tidlegare hadde støypt. Dette måtte gjerast for vi fann ut at vi ville ha eit smalt vindu på bakveggen. Muren er som sagt veldig sterk så kombinasjonen stor steinslegge og hard armert murvegg = god trening. Men etter litt kapping og deljing so måtte veggstykke gi tapt. På grunn av dette vinduet så blir det også ein del kapping av Bewien så vi lør den ikkje så fort som vi elles ville gjort.
Og no reise far på ein velfortjent ferie også, så da blir det nok ikkje samme tempoet oppe i huset. Spørs om eg skal gi meg tia til å få unna nokre forefallande arbeid her i heimen også....ser no.


Før vi la golvplatene på utstikket ovanfor uteboda så la vi i nokre kapp av Bewi før vi la isolasjon oppå der igjen.


Helge var så ivrig at han ikkje hadde tia til å sjå på fotografen ein gang.


Vi fekk opp eit par rader i kveld. Vinduet vi vil ha inn er midt i bilde.

Sveising og golvlegging

Den siste veka har gått med til å få på plass berande jernbjelker og golvlegging. Noko Bewibygging har det også blitt, samt litt anna dill.

Kåre Magne i full gang med sveisinga. Han er ein svært dyktig sveisar og resultatet blei perfekt.

Sveisinga er ferdig og bjelkelaget er lagt.

Samansveisinga, samt ei støtte. Legg merke til sveisekvaliteten, ikkje bruk for vinkelsliper der.

Utstikket på stua er no på plass. 1,5 meter rett ut, vil henge i lause lufta.

3 H-bjelkar held utstikket oppe.

Stuegolvet er på plass

Baderomsvinduet til venstre der, det avlange altså, ikkje det lille som er i trappeoppgangen.

Bjelkelag igjen

Dei siste dagane har vi fått lagt resten av bjelkelaget i 2. etasje. Dvs, det står att ein liten bit som vi skal ta når vi har fått heisa opp dei tre jerndragarene som skal halde oppe "Utstikket" på stua. Vi har også fått lagt fleir golvplater samt røyst treveggen i 2. etasje.


Røysverket for treveggen i 2. etasje er oppe. Her blir det utgang til balkong og eit vindu.
Arkitekt og sjefsnekkar Bonesmo til venstre.


Bjelkelaget går inntil jerndragarene. På stua er det større avstand mellom dei berande punkta så her har vi brukt 3" x 9" for maksimal stivheit i golvet.


Kjøkkenet blir på det lavare partiet ved trappeoppgangen.


Då vi lødde opp 1. etasje gløymde vi å skjere ut for døra på baksida. Dette fekk vi svi for fredag då eg måtte skjere betongen. Den var veldig hard og veldig sterk, så det vart ei hard økt med vinkelslipar og slegge.

Jerndragere

I går kom jerndragarane og Cato frå Emdal Transport heisa dei på plass så i dag kunne vi starte med å legge bjelkelaget.





På stua skal det vere eit utspring på 1,5 m, noko ein kan sjå på teikninga lenger ned på sia her. Tredragaren som stikk ut viser kor langt fram stua vil gå.

Meir Bewi

Dei siste dagane har gått med til å bygge veggar i Bewi. Det går fort sjølv om det er ein del kapping på grunn av vindu og dører. Vi venter no på nokre H-bjelkar så vi får lagt resten av golvet, når disse er på plass vil vi gå tilbake til golvlegging.
Far har også satt opp ei "anleggstrapp" opp til 2. etasje. Denne er uforskamma solid og fin, nesten slik vi berre må la den stå når vi er ferdig :-)


Halve huset er no oppe i den høgda den skal ha.


Eg fester nokre støtter.


Emilie utanfor austveggen med dør inn til vaskerom/teknisk rom. Oppe er det eit vindu inn til "Masters bedroom".



Ein veldig fin trapp som er plassert der trappen skal vere.

Golv

Ein milepæl blei nådd i dag når vi fekk lagt golvet aust for trapperommet. Så no har 2 soverom, ein "Walkin' closet" og hovudbadet fått golv.
Ellers var det godt og varmt også i dag, men vi klaga ikkje på finevér!


Før golvet kom på plass hadde vi opp limtredragaren.


Dragaren på plass, det same er golvet.


Golvet på badet er ein tomme lavare enn resten av golvet.




Når eg kom opp i huset i dagtidleg lå tåka tjukt over fjorden. 30 minutt etter dette bildet var tatt så var den vekk.

Meir bjelkelag

I dag syns eg det var det ein tung dag i tomta. Det er faktisk kjølegare i dag enn i går men eg holdt på å renne vekk i solsteiken. Dette sjølv om det blei ein litt kort dag på meg for eg måtte avbryte arbeidet ein times tid for å kjøpe billettar til Vålerenga - Liverpool neste tirsdag. Eg fekk heldigvis kjøpt :-)
Eg var litt optimistisk då eg trudde vi skulle rekke å legge sponplater på bjelkelaget i dag. I stadenfor fekk vi lagt bjelkelaget i trapperommet. Medan eg sat foran pc'n og kjøpte billettar kom Modulbygg med plater, drager, lim og ei skrumaskin. Det er kjekt å få låne ei slik ei sidan det gjer skruing av sponplater mykje lettare.


Trappa vil kome opp her. Trappa opp til 3. etasje vil gå opp fra det utstikket på venstre side.


Bjelkesko held bjelkane oppe.



Røra kjem opp gjennom reima.

Bjelkelag

Sidan det er sommarferie og strålande vér tok vi fri laurdag og reiste til hytta på Langeneset, og søndag sykla vi til Ona. Men i dag er det mandag og ny økt i huset.

Vi har fått festa bjelkesko og lagt på bjelkelaget på eine halvdelen av huset. I morgon skal vi legge sponplate slik vi får eit skikkelig golv å gå på.


Soveromsdelen er klar til å få lagt gulv.


Baderomsgolvet blir litt lavare pga ein forsenkning i dusjen så her har vi brukt 8" bjelkelag. Resten av bjelkelaget er 9".


Her er resultatet av festing av boltar. Denne bolten set veldig godt :-)

Berande innervegga

I dag starta vi med å sette opp dei berande innerveggane. Det var moro å bruke lufthammeren og den gjorde at det gjekk fort å sette saman veggane. Det var litt pøt å skjere høl i reima med stikksaga slik at røra gjekk gjennom, men det gjekk no seg til det også.


Badet i kjellaren blir inn der vannslangen no gjeng. Avløpsrøra gjeng inn i veggen så vi måtte lage høl i reima for dei. Til venstre for slangen skal der stå ei støtte som held oppe ein limtredrager vi enno ikkje har fått.


Dei berande veggane er no på plass.


Taket på boda som blei støypt på onsdag.

Rydding

Far har tatt ein velfortjent fridag i dag og reist på hytta så eg har vore aleine i tomta. Jobben i dag var å rydde vekk forskaling og støtter.

Slik blei det sjåandes ut etter alt av hjelpemidler var plukka vekk. Bewiveggen blei heldigvis bra.




Austhjørnet. Ei halv Bewiblokk som skil 1 og 2 etasje.
Eg var litt rask å ta vekk støtta her men den er satt på igjen no. Den skal få stå til betongen er skikkeleg herda.


Ooops, først no oppdaga eg at eg har gløymt å fjerne forskalinga øverst i vinduet til venstre. Ja ja, då har eg noko å gjer i morgon også...


Fundament til berande veggar


Her er det laga ei "dryppfelle" på undersida av taket på boda. Denne hindra vatnet å renne inn til veggen, den drypp istaden rett ned. Luring han far som kom med den.


Taket på boda blei rett og slett strøkent. Eg spylte det og vatnet rann (sjølvsagt) rett veg.