Ferdig i hovudetasjen

Onsdag blei vi ferdig med veggane og vindua i hovudetasjen og starta med å flytte ting ned i kjellaren. Vi vil starte med kle taket i kjellaren på fredag.
Målarane blei også ferdig med å måle soveromma oppe så dei manglar kun golv og det eletriske no. Heldigvis så slepp vi unna med kun golvlister så vi sparer litt tid der.

Soverommet er ferdig måla!!


Vinduskarmane blei stilige syns vi


Reine og fine linjer med vindu uten lister.

Badet er ferdig kledd med gips, men vi skal ha ein annan type plater i dusjen, kjem ikkje på navnet på dei no. Det skal bli kledd med flis opp til gipsen.

Veggen der badeinnreiinga skal stå er fora ned. Under nedforinga vil det ver speil med skap bakom, speilet vil gå like langt ut i rommet som foringa. I taket er der innfelt ei taklampe lik rommets bredde.

Karmer

I kveld har vi rydda, kledd vinduskarmer, kledd undersida av repo, starta med inn og ut lufra frå ventilasjonsanlegget og satt opp nokre eletriske punkt eg hadde gløymt. Eg hadde gløymt å legge opp straum til prosjektor i taket på kinoen, korleis kan man gløyme noko sånt??



Trapperom med vindu under repoet mellom 2. og 3. etasje, undersida av repoet blei kledd i kveld.


Vindu under repo. Eg syns det blei ein stilig detalj med å la taket gå heilt ut til vinduet.


Her er vinduskarmen før x-finerplata er satt på. Plata blir satt inn i det 9mm sporet på vinduskarmen og skrudd inn i vinkeljernet gipsplata på veggen er skrudd fast i.


Ferdigkledd vinduskarm. Her skal det kun på ei beskyttelseslist på hjørnet som blir sparkla inn.


Hjørne på soverommet. Kun beskyttelseslist på hjørnet gjenstår før sparkling.


Bad med blandebatteri, sjakt og toalettuttak. Ser litt bedre ut her inne no etter ei økt med kosten.

Klar til pussing

På mandag vil Lindvik AS vere i gang å sparkle og pusse igjen. Dei vil jobbe på stua, kjøkkenet, kontor, trappeoppgang og 3. etasje der det meste no er på plass. Vi har igjen å sette på nokre beskyttelseslister rundt ett par hjørner og ein liten gipsbit ved det nye vinduet i 3. etasje.


Det siste vinduet i 3. etasje er no på plass.


Kjøkkenet til høgre


Kjøkkenet sett frå stua.

Vindu ved brua. Dette vinduet vil vere rett fram når man går opp trappa til 3. etasje.

Hjørnet på stua . Her er det vindu med både aluminium og trekarmer. Foringa i mellom er no klar til pussing.

Vi laga ei nedforing frå taket på kjøkkenet og ned til der kjøkkenskapa skal stå. Vi vil heller ha ei løysning der det er huskonstruksjonen som er foringa i stadenfor at det er kjøkkeninnreiinga som inneheld foringa.


Hovudbadet er no kledd med rupanel. Til venstre vil dusjen vere, og til høgre for den vil badekaret stå. Blandebatteriet til badekaret vil kome opp i din nisja midt på veggen.

Taklampa på badet kom godt men seint. Den er innfelt i taket og inneheld to lysrør.

Stua ferdig kledd

Vi er no ferdig med stua og her er nokre bilder frå den og frå andre ting vi syslar med.

Spisestua. Her vil det kome eit skap og ein benk innfelt i nisja.


Vi har starta med å kle vinduskarmane med x-finer. Her blir det ingen lister rundt vindua.


Hol i taket for pipa er no på plass.


Brua er kledd med gips også på sidene.

Lamper på kjøkkenet vil bli felt inn i taket.


På kontoret bak spisestua vil telefon/datainntaket vere. Her vil modem og router bli plassert inn i veggen og nettverkskablane fordelt rundt i huset. Det vil bli dekt med ei 40x40 inspeksjonsluke

Påskeferie

Vi har hatt påskeferie men er i full gang å jobbe igjen no. Vi jobba også i påska, men ikkje dei raude dagane og påskeaftan.
Eg har problemer med internett heime så eg får ikkje lasta opp bilder no, men dette er forhåpentlegvis fiksa over helga.
Men det som har blitt gjort i det siste er:
Kledd ferdig heile stua med gips, senka vinduet i trappa, laga høl i q-dekket til pipa, kledd brua med gips, laga til for inspeksjonsluker der modem og router skal plasserast, laga til inspeksjonsluke der antenneforsterkeren til tv'ane skal vere. I tillegg har Straumsheim AS vore å bytta eit vindu der sprossane var feilplassert.
Eg har også fått vite frå Energi-Spar at vi har fått landes første Ekowell varmepumpe der alle sirkulasjonspumper er av typen Klasse-A, altså straumbesparande.

Bilder kjem over helga.

Trapperepo

I dag fekk vi opp repoa til trappa og gjort ferdig vangane på brua. Vi har også gjort litt anna pjask som fått opp trekkerør til termostat til varmepumpa (ein på stua og ein bak huset). Vi har også fått plassert dei siste downlight'a i kjellaren og lekta ferdig taket der.


Det var tjukk skodde på formiddagen men den letta opp og då blei det veldig fint. Skodda letta på Hjellane før nede i bygda, flott skue det gitt...

Utsikt fra øverste repo. Her vil trappa gå opp til brua med utsikt mot Trollkirka rett fram. Godt tenkt av arkitekten :-)
Ser også at vi har gløymt å ta av klistremerka på vindua i taket. Nokon som melde seg frivillig til å ta dei vekk?

Repoet mellom 2. og 3. etasje. Vinduet under repoet skal senkast litt ned då repoet blei lågare enn først antatt.

Eit tips til dokke som bygg hus no. Finn plassering av lys FØR du legg opp trekkerør. Det er bortkasta tid å måtte ta ned lekter for å flytte på røra hit og dit.

Ventilasjon og trapperom

Ein liten milepæl blei nådd i dag då vi fekk ferdigkledd trapperommet med gips. Det har vore mykje "pøtarbeid" så det er godt å få det ferdig.
I tillegg fekk vi kobla til ventilasjonsanlegget og prøvekøyrt det. Det så ut til å fungere godt, så sjøl om det måtte plasserast lavare på veggen en planlagt er vi fornøgd.


Trapperommet er no ferdigkledd. Vi har også fått opp det eine repoet.


Repoet i kjellaren skjuler røra til ventilasjonen og vassledningane til toalett i kjellaren og kjøkkenet.


Ventilasjonsanlegg med "Hølforsyvinga" montert. Har du behov for badehette så kan du få dei som er montert på utblåsninga, eg har ikkje behov for den.

Dei feite lydfellene er benda og går inn i veggen.

Trapp og ventilasjon

Litt ymse arbeid i dag. Trapp, ventilasjon og rydding...

Første kapittel av trappa blei starta på i dag. Her skal det første repoet vere.

Takstøtta i 3. etasje er på plass


I morgon kjem sveisekongen sjølv, Kåre Magne, og sveisar fast støtta i H-bjelken.


Vi fekk Jens Arne på Wullum AS til å lage ei løysning som forskyvde holet ut frå ventilasjonsanlegget slik vi fekk montert på dei feite lydfellene. Utan dette var der ikkje plass.


Forskyvninga på plass, no får vi på ei lydfelle på røret til høgre.

Installasjon av varmepumpe

Mandag blei varmepumpa installert av Bjørn i Energi-Spar. Den er no operativ og klar til å koble på kursane som skal gå rundt i huset. Freezeum til brina er fyllt opp og der går sirkulasjonen. Tanken på 360 liter er fylt opp og oppvarma. Pumpa står og går no sjølv om ikkje kursane er kobla til, dette for å få igang sirkulasjonen og få ut luft i røra som går ned i brønnen.


Ekspansjonstank for brønnkursen oppe til høgre. Sirkulasjonspumpene er dei grøne du ser inne i skapet.


Røra til brønnen er kobla til. Boksen som er kobla til kursen til bada er ein Elysator som hindrer smuss og groe i røra. Sidan vi har denne kan vi ha reint vatn i røra inne i huset og difor ha lågare temperatur enn om det var frostveske i dei. Elysatoren er ikkje festa, den er bare satt på for syns skuld. Den skal ikkje stå sånn på skakke.

Straffer på Anfield

Det er mange som vil sjå videoen av meg og Jan Halvard som tek straffer i pausa på kampen mellom Liverpool og Aston Villa (5-0) så eg legg den ut her. Har lite med bygging og gjer men sidan det er min blogg så gjer eg som eg vil ;-)

Vi stiller i grøne (store) bortedrakter og vi fekk heile settet til odel og eie. Det skal innrammast og henge på TV-stua i kjelleren der eg skal sete å sjå Liverpool håver inn titler i åra som kjem.

Det er bror min Jens Arne som er bak kamera (eit kompakt fotoapperat) og han og min andre bror Lars Petter sat på The Kop når eg var ut på bana og blei tomålskårer.

Gips i trapperom

Fruen og eg spaserte opp i huset i dag og tok nokre bilder og inspiserte kva far hadde gjort i går når eg jobba med rekneskapet til Liverpooltur.no. Han hadde satt opp halvveggen mellom brua og 3. etasje og platekledd denne.


Vegg mellom 3. etasje og brua er no på plass.

Trapperommet med det øvste vinduet. Repot for trapp vil kome under dette.

Tilbake til kvardagen

I går var vi tilbake med jobb og husbygging igjen, etter ein fantastisk tur til Liverpool der eg og min kompanjong i Liverpooltur.no, Jan Halvard Holmøy var ut på matta i pausa og tok to straffer kvar mot sjølvaste The Kop. Dette var enormt stort for oss og var eigentleg ein bisarr opplevelse, aldri før har vi vore framfor nesten 45 000 personer. Det var deilig å dunke inn begge straffene, og få applaus fra The Kop er noko eg aldri vil gløyme. At Liverpool banka Aston Villa 5-0 gjorde dagen komplett. Men sjølv om eg på langt nær har landa er vi tilbake til kvardagen no.

Gårsdagen gjekk med på å kome igang igjen med å platekle veggane. I tillegg var Målermester Lindvik i gang med å sparkle romma vi var ferdig med, noko han fortsatte med i dag. Vi har no starta å platekle trapperommet og starta med det ovanfrå.
I dag fekk vi også lampar frå Deltalight og vi vil no plassere dei så eletrikeren kan gjere seg ferdig så vi får platekle.
I dag kom også varmepumpa, eit beist frå Ekowell i Finland på 330 kg. Heldigvis har eg gode kompiser som kom og hjalp meg med å få inn beistet, noko som gjekk overraskande lett. Kjekt med god hjelp!


Marius, Arild, eg og Lars Petter dreg varmepumpa opp bakken med Geir Helge gøymer seg bak den.


Varmepumpa på plass. Dette er ei Ekowell EVT 500, ei vatn-til-vatn pumpe.

Gips ved brua

I kveld blei vi ferdig med å kle veggen mot verandaen i 2. etasje. Denne veggen gjeng opp til takvindua i 3. etasje og er over 2 etasjer, så det utgjorde ein stor forskjell å få denne kledd.
Vi har også fått "dytta" ein del av vindua i 2. etasje som no er ferdig isolerte.


Veggen mot sør med takvindu og utgang til altan i 2 etg.


Veggen mot sør på laurdag, før vi fekk kledd den. Trapp ned til brua til høgre.


3. etasje er no snart klar til sparkling og maling. Einaste som gjenstår her er platene rundt vindu og dører..... + litt rydding.

Kort dag i huset

I det siste har vi jobba med montering av ventilasjonsanlegget og kleing av gipsplater.
Far og eg rakk å bli ferdig med å kle tak og vegger i 3. etasje før vi avslutta for å rekke fotballkampen mellom Liverpool og Man. Utd.

Sidan far er Unitedfan skal eg ikkje hovere så mykje, vi Liverpoolsupportere veit at hovmod står for fall, men syns kommentaren til Steven Gerrard til Sky Sport etter kampen oppsummerte det bra. "It's good to come here and wipe the floor with them" :-)


Taket i 3. etasje torsdags kveld. Plast før plater, heilt etter boka.


Vi har eit lite problem med å få kobla lydfellene til aggregatet (Systemair VR-700 DCV) sidan lydfellene er 25 cm i diameter og avstanden mellom dei 20 cm utgangane på aggregatet bare er eit par cm. Vi har dårleg med plass så vi må få laga ein overgang, som tek liten plass, så vi klarer å forskyve eine utgangen nokre cm utan at det gjeng utover arealet i røret.
Sentralstøvsugaren (Foma 1900w) vil stå ved sidan av ventilasjonsaggregatet i ei bod i kjellaren.